對於Chanel手袋，每位靚靚都各有心頭好🥰近年都有兩款手袋非常大熱，就係Gabrielle同Coco Handle Flap。兩款外形各有千秋，好多靚靚都非常猶豫究竟買邊個好？一直想入手Chanel手袋既你，睇下今日既分享可能會有頭緒😉

Gabrielle係2017年首次推出，設計靈感黎自騎馬用既望遠鏡盒，有d似呈方形既水桶包，優點在於係中性隨意既風格，無Chanel其他經典款咁Lady。無耐之前仲推出左Chanel金屬字母既肩帶款，手袋一時無兩。Gabrielle手袋用左金、銀兩色既鏈帶，撞出更時尚、更型格既魅力😎
同Gabrielle比較，Coco Handle Flap款比較顯Classic，手柄位同雙C金屬扣，唔只復古而且帶有2.55既影子。加上皮既材料厚實，整體既線條比Gabrielle更硬挺，亦都散髮出更典雅、更成熟既美感。

實用程度方面，Gabrielle 水桶設計雖然容量都不錯，不過有靚靚反映過，大size對於身形嬌小既女生會顯得太大，但mini size又會不夠用。而且手袋個底有機會會磨損。至於Coco Handle Flap 既粒面皮非常襟磨，刮損既風險都會相對較低。

係配搭方面上，兩款手袋都十分好襯😆Gabrielle 有雙肩帶設計，而Coco Handle Flap 亦可以手提、側孭或者斜孭，完全可以按個人喜好同身形，一袋多用。

講到投資潛力，越黎越多人視買名牌手袋為投資，如果款式夠長青，自然有保值，甚至升值潛力。有d人認為，Coco Handle Flap 保留左Chanel 既經典氣質，外形無論過幾多年都絕不過時，而Gabrielle 呢幾年紅遍時尚界，但畢竟設計較為新潮同反叛，可唔可以通過時間考驗仍係未知之數喔！