講到手袋，你一定會先諗起英國、法國或者意大利既大品牌，但好少人會第一時間諗起西班牙其中既一個牌品 – Loewe。西班牙人認為只要質量好，設計好，產品係唔會無人知。

今日同大家介紹一下，Loewe既- Puzzle。

Puzzle中文既意思係砌圖，所以Puzzle既外形就好似砌圖一樣，係幾何既外觀，好容易就認得出。

Puzzle係由41塊唔同既皮，9塊織物、45塊布甲、金屬配件同拉鍊組成。袋身既設計係先將皮裁切成41個唔同形狀既皮塊後，重新再組成不規則既幾何結構最獨特既創新之處係可以好似摺紙一樣隨你喜歡摺成各種唔同既形狀，甚至可以摺成完全平整。每一個剪裁、縫線同接合都需要經過好多精細計算。製造一個Puzzle手袋過程需要524個唔同既步奏。所有既步奏都由黎自馬德里既匠人手工完成，對於一個手工匠人黎講，製造既過程通常需要3日。

每一個Puzzle手袋都需要530分鐘先可以達到最終既出廠要求，即係9個鐘先可以製作到一個Puzzle手袋。作為西班牙皇室御用皮具，Loewe發明堪稱苛刻既4/1000揀皮標準，即係1000張小牛皮只會揀4張最嫩最好既頭層皮。因為皮質柔軟，可塑性高，所以Puzzle係有5種用法：單肩、斜咩、手拎、手挽，甚至唔用肩帶變身手拎袋都得。值得一提，Puzzle條肩帶只係用左兩粒金屬釘黎調整長短，大大減低左手袋既重量，所以用起上黎都唔會有太重既感覺哦！

Puzzle袋一直係材質上不停翻新，除左用羊皮、牛皮、麂皮、蟒蛇皮，Loewe仲係2016年推出用鏡面材質，清爽既造型非常適合夏天用。

 

Puzzle 有4個size：
Mini Puzzle Bag size: 18×12.5×8 cm
Puzzle Small Bag size: 24×16.5×10.5 cm
Puzzle Bag size: 29×19.5×14 cm
Puzzle Large Bag size: 36.5x23x19 cm

 

Puzzle袋一面世就已經被諭為「新經典」，完全唔駛怕撞袋，唔駛怕同各大牌品比較！畢竟係呢個現今世代，兼具潮流、袋身又輕、又實用既手袋，有邊個不愛？